🔥 ໂຣມາໂນ: here we go! ແມນເຊສເຕີ ຢູໄນເຕັດ ປ່ອຍ ໂອນານ່າ ກັບຄືນໄປ ສະເປີ(Trabzonspor) ອີກຄັ້ງຫນຶ່ງ.

ຟາບຣີຊີໂອ ໂຣມາໂນ ຢືນຢັນວ່າ ອັນເດຣ ໂອນານ່າ ກຳລັງຈະຍ້າຍຈາກ ແມນເຊສເຕີ ຢູໄນເຕັດ ກັບຄືນໄປຫຼິ້ນໃຫ້ກັບ ທຣາບຊອນສະເປີ ດ້ວຍສັນຍາຢືມຕົວອີກຄັ້ງ ຫຼັງຈາກທັງສອງສະໂມສອນບັນລຸຂໍ້ຕົກລົງດ້ວຍວາຈາເປັນທີ່ຮຽບຮ້ອຍເເລ້ວ

ໂອນານາ ຫາກໍ່ກັບມາແມນເຊສເຕີ ຢູໄນເຕັດ ຫຼັງຈາກຫມົດສັນຍາການຢືມຕົວກັບ ສະເປີ, ເຊິ່ງລາວມີບົດບາດສຳຄັນໃນການຊ່ວຍໃຫ້ທີມຊະນະ ຄວ້າເເຊ້ມ Turkish Cup ໃນລະດູການທີ່ຜ່ານມາ.

ເຖິງຢ່າງໃດກໍ່ຕາມ, ຜູ້ຮັກສາປະຕູອາຍຸ 30 ປີບໍ່ໄດ້ຢູ່ໃນແຜນການຂອງ Michael Carrick ສຳລັບລະດູການໃໝ່. ກ່ອນໜ້ານີ້ Manchester United ຢາກຂາຍລາວຢ່າງຖາວອນ, ແຕ່ຍັງບໍ່ມີສະໂມສອນໃດຍື່ນຂໍ້ສະເໜີ.

ລ່າສຸດ, ໂຣມາໂນ ໄດ້ຢືນຢັນຜ່ານແພລດຟອມ X, ໂດຍໃຊ້ປະໂຫຍກລາຍເຊັນຂອງລາວວ່າ:

“André Onana ກຳລັງຍ້າຍໄປ ສະເປີ (Trabzonspor)… Here we go!”

ພ້ອມລະບຸໄວ້ເພີ່ມເຕີມວ່າ :

“ ໄດ້ມີການຕົກລົງດ້ວຍວາຈາກ່ຽວກັບສັນຍາຢືມຕົວໃໝ່, ຍ້ອນວ່າ ໂອນານ່າ ບໍ່ໄດ້ຢູ່ໃນແຜນການຂອງ ເເມນຢູ(Manchester United) ສຳລັບລະດູການຕໍ່ໄປ, ແລະ ສະເປີ (Trabzonspor)ກໍພ້ອມທີ່ຈະນຳລາວກັບຄືນສູ່ທີມ.”

ເຖິງແມ່ນວ່າລາຍລະອຽດຂອງຂໍ້ຕົກລົງຍັງບໍ່ທັນໄດ້ຮັບການເປີດເຜີຍຢ່າງເປັນທາງການ, ແຕ່ ສະເປີ(Trabzonspor )ຄາດວ່າຈະຈ່າຍຄ່າທຳນຽມຢືມຕົວໃຫ້ ແມນຢູ(Manchester United) ເພື່ອນຳເອົາຜູ້ຮັກສາປະຕູຊາວ Cameroon ກັບຄືນສູ່ທີມ.