🚨 ຂ່າວດ່ວນ! ເຊວຊີ ຖືກ FA ປັບເງິນ 10 ລ້ານປອນ ແຕ່ລອດການຖືກຕັດຄະແນນ

ສະມາຄົມບານເຕະອັງກິດ (FA) ໄດ້ລົງໂທດ ເຊວຊີ ດ້ວຍການປັບເງິນ 10 ລ້ານປອນ ພ້ອມກັບລົງໂທດແບນລົງທະບຽນນັກເຕະເປັນເວລາ 2 ຊ່ວງຕະຫຼາດຊື້-ຂາຍ ແບບຮໍລົງອາຍາ ຫຼັງຈາກພົບວ່າສະໂມສອນລະເມີດກົດລະບຽບເກືອບການຈ່າຍເງິນໃຫ້ເອເຢນ ໃນຊ່ວງປີ 2009-2022

ເຈົ້າຂອງສະໂມສອນຊຸດປັດຈຸບັນ ນຳໂດຍ ທອດ ໂບລີ (Todd Boehly) ແລະ Clearlake Capital ເປັນຜູ້ລາຍງານການລະເມີດກົດຂອງ FA ດ້ວຍຕົນເອງ ຈຳນວນ 74 ກໍລະນີ ຫຼັງເຂົ້າຊື້ກິດຈະການສະໂມສອນໃນປີ 2022

ໃນຕອນແຮກ ຄະນະກຳມະການອິດສະຫຼະດ້ານກົດລະບຽບ ໄດ້ຕັດສິນໃຫ້ ຫັກ 6 ຄະແນນ ແບບຮໍລົງອາຍາ ຈົນຮອດວັນທີ 30 ມິຖຸນາ 2027 ແຕ່ຫຼັງຈາກການອຸທອນ ບົດລົງໂທດຫັກຄະແນນດັ່ງກ່າວຖືກຍົກເລີກ

ສ່ວນຄ່າປັບ 10 ລ້ານປອນ ທີ່ເຊວຊີຕ້ອງຈ່າຍ ຈະຖືກນຳໄປສະໜັບສະໜູນ ແລະ ພັດທະນາວົງການບານເຕະລະດັບຮາກຖານ (Grassroots Football) ເຊັ່ນ ການພັດທະນານັກເຕະເຍົາວະຊົນ, ສະໂມສອນສະໝັກຫຼິ້ນ ແລະ ບານເຕະຊຸມຊົນທົ່ວອັງກິດ.