🏆 ແຟຣັນ ຕໍເຣັສ ຍິງປະຕູນາທີ 106′ ຍິງປະຕູໄຊ❗️ຊ່ວຍ ທີມຊາດສະເປນ ເອົາຊະນະ ທີມຊາດອາເຈນຕິນ້າ ແຊ້ມເກົ່າ ທີ່ເຫຼືອຜູ້ຫລິ້ນ 10 ຄົນ 1-0 ໃນໄລຍະຕໍ່ເວລາພິເສດ ຄອງແຊ້ມ ບານໂລກ 2026‼️

ຮອບຊິງຊະນະເລີດ ທີ່ສະໜາມ MetLife ທາມກາງຜູ້ຊົມເຕັມຄວາມຈຸຂອງສະໜາມ 80,663 ຄົນ, ທີມຊາດສະເປນ ເຂົ້າຊິງເປັນຄັ້ງທີ 2 ໃນຮອບ 16 ປີ ລຸ້ນແຊ້ມສະໄໝທີ 2 ດວນກັບ ອາເຈນຕິນ້າ ແຊ້ມເກົ່າ ທີ່ຫວັງສ້າງປະຫວັດສາດເປັນທີມທີ 3 ທີ່ສາມາດປ້ອງກັນແຊ້ມໄດ້.

ຕະຫລອດ 90′ ນາທີ ສະເປນ ເປັນຝ່າຍຄອງບານ ແລະ ມີໂອກາດບຸກຢູ່ຝ່າຍດຽວແຕ່ເຈາະເກມຮັບຂອງ ແຊ້ມເກົ່າ ບໍ່ໄດ້, ມາໃນໄລຍະຕໍ່ເວລາບາດເຈັບຕັ້ງທີສອງ ແຊ້ມເກົ່າ ເຫລືອຜູ້ຫລິ້ນ 10 ຄົນ ເມື່ອ ເອັນໂຊ້ ແຟນນັນເດັຊ ໄດ້ສອງບັດເຫລືອງເປັນບັດແດງ ນາທີ 90’+3 ຈົບເກມ 90′ ນາທີ ສະເໝີກັນ 0-0. ຕ້ອງໄປຫຼິ້ນຕໍ່ໃນໄລຍະຕໍ່ເວລາພິເສດອີກ 30′ ນາທີ ແລະ ສະເປນ ມາໄດ້ປະຕູໄຊໃນນາທີ 106′ ຈາກຕົວສຳຮອງ ແຟຣັນ ຕໍເຣັສ ເຮັດໃຫ້ 🇪🇸 ທີມຊາດສະເປນ ເອົາຊະນະ 🇦🇷 ທີມຊາດອາເຈນຕິນ້າ 1-0.

🏆 🇪🇸 ສະເປນ ຄວ້າແຊ້ມບານໂລກ 2026 ເປັນແຊ້ມສະໄໝທີ 2 ຕໍ່ຈາກປີ 2010 ຮັບຂັນແຊ້ມ 💵 ພ້ອມເງິນລາງວັນ 50 ລ້ານໂດລາສະຫະລັດ, ຂະນະທີ່ 🇦🇷 ອາເຈນຕິນ້າ ຮັບເງິນລາງວັນ 33 ລ້ານໂດລາ.

ສ່ວນຄັ້ງຕໍ່ໄປ ປີ 2030 ປະເທດໂມຣັອກໂຄ, ໂປຕູເກດ ແລະ ສະເປນ ຈະເປັນເຈົ້າພາບຫລັກ, ສ່ວນອີກ 3 ຊາດຈາກອາເມຣິກາໃຕ້: ອູຣູໄກວ, ອາເຈນຕິນ້າ ແລະ ປາຣາໄກວ ຈະເປັນເຈົ້າພາບນັດພິເສດ ເພື່ອສະຫລອງ ບານໂລກ ຄົບຮອບ 100 ປີ.