🔥 ເນມາ ກັບລົງສະໜາມໃຫ້ ຊານໂຕສ ແລະໃຊ້ເວລາພຽງ 36 ນາທີ ຍິງ 2 ປະຕູ ຊ່ວຍທີມສະເໝີ ຊາເປໂກເອນເຊ 2-2. ພ້ອມກັນນັ້ນ ລາວສະແດງທ່າ “ສັບໄພ່” ເພື່ອຕອບໂຕ້ຄຳວິຈານ ແລະພິສູດວ່າ ຍັງສາມາດສ້າງຜົນງານໄດ້ດີ ແມ່ນຈະມີສຽງວິຈານກໍຕາມ.

ເນມາ ກັບລົງສະໜາມໃຫ້ກັບ ຊານໂຕສ ອີກຄັ້ງ ຫຼັງຈາກຈົບການແຂ່ງຂັນບານໂລກ.

ໂດຍລາວໃຊ້ເວລາພຽງ 36 ນາທີ ໃນການຍິງ 2 ປະຕູ ຊ່ວຍໃຫ້ ຊານໂຕສ ສະເໝີ ຊາເປໂກເອນເຊ 2-2.

ໄຮໄລທ໌ຂອງເກມນີ້ ຄື ເນມາໄດ້ສະແດງທ່າ “ສັບໄພ່ ແລະ ແຈກໄພ່” ກາງສະໜາມ ເພື່ອຕອບໂຕ້ບັນດານັກຂ່າວ ແລະ ແຟນບານ ທີ່ວິຈານລາວຢ່າງໜັກ ຈາກການທີ່ລາວມັກໄປຫຼິ້ນໂປ໊ກເກີໃນຊ່ວງທີ່ຜ່ານມາ.

ແມ່ນວ່າຈະຖືກວິຈານຫຼາຍພຽງໃດ ແຕ່ເນມາກໍພິສູດຕົວເອງດ້ວຍຜົນງານໃນສະໜາມ ໃຫ້ທຸກຄົນເຫັນວ່າ ລາວຍັງບໍ່ໝົດເວລາໃນການຫຼິ້ນບານ ແລະ ສາມາດສົມດຸນລະຫວ່າງຜົນງານໃນສະໜາມ ກັບຊີວິດນອກສະໜາມໄດ້ເປັນຢ່າງດີ.