💣 ຟີຟ່າ ກຽມຂາຍຫຸ້ນຂອງບານໂລກ ອາດປ່ຽນອະນາຄົດວົງການບານເຕະ, ດີລທີ່ອາດປ່ຽນໂສມໜ້າວົງການບານເຕະໄປຕະຫຼອດການ

💣 ຟີຟ່າ ກຽມ “ຂາຍບານໂລກ” ດີລທີ່ອາດປ່ຽນໂສມໜ້າວົງການບານເຕະໄປຕະຫຼອດການ

ການແຂ່ງຂັນ ຟຸດບອນໂລກ (FIFA World Cup) ລາຍການທີ່ຍິ່ງໃຫຍ່ທີ່ສຸດໃນໂລກ ອາດກຳລັງກ້າວເຂົ້າສູ່ຍຸກໃໝ່…

ບໍ່ແມ່ນເພາະຮູບແບບການແຂ່ງຂັນ ແຕ່ເພາະ ຟີຟ່າ ກຳລັງວາງແຜນຂາຍ “ຫຸ້ນ” ຂອງບານໂລກໃຫ້ນັກລົງທຶນເອກະຊົນ

🚨 ພາຍໃຕ້ການນຳຂອງ ຈຽນນີ ອິນຟານຕິໂນ, ຟີຟ່າ ກຽມຈັດຕັ້ງບໍລິສັດໃໝ່ຊື່ FIFA Forward Enterprise (FFE) ເພື່ອຖືຄອງສິດທິດ້ານທຸລະກິດຂອງຟີຟ່າທັງໝົດ ໄດ້ແກ່

📺 ລິຂະສິດຖ່າຍທອດສົດ
🤝 ສັນຍາຜູ້ສະໜັບສະໜູນ
🎟️ ການຈຳໜ່າຍປີ້ເຂົ້າຊົມ
🛍️ ລິຂະສິດສິນຄ້າ
🏆 ລວມເຖິງ ຟຸດບອນໂລກ ແລະ ຄລັບ ເວີລ໌ດ ຄັບ

💰 ຈາກນັ້ນ ຟີຟ່າ ມີແຜນຂາຍຫຸ້ນສ່ວນນ້ອຍຂອງບໍລິສັດນີ້ໃຫ້ນັກລົງທຶນເອກະຊົນ ໂດຍມີການປະເມີນມູນຄ່າບໍລິສັດສູງເຖິງ 20,000 ລ້ານໂດລາສະຫະລັດ (ປະມານ 750,000 ລ້ານບາດ)

❓ ແລ້ວຟີຟ່າຈະນຳເງິນໄປເຮັດຫຍັງ?

ຟີຟ່າ ອະທິບາຍວ່າ ເງິນທີ່ໄດ້ຈະນຳໄປໃຊ້ໃນໂຄງການພັດທະນາບານເຕະທົ່ວໂລກ ໂດຍສະມາຄົມບານເຕະສະມາຊິກທັງ 211 ປະເທດ ຈະໄດ້ຮັບງົບສະໜັບສະໜູນເພີ່ມຂຶ້ນຫຼາຍເທົ່າ ຂະນະທີ່ປະເທດນ້ອຍໆ ທີ່ຂາດງົບປະມານ ອາດຈະມີທຶນຫຼາຍພໍສຳລັບສ້າງສະໜາມ, ພັດທະນາຄູຝຶກ ແລະ ສ້າງນັກເຕະເຍົາວະຊົນ.

ນີ້ຄືເຫດຜົນທີ່ ອິນຟານຕິໂນ ເອີ້ນໂຄງການນີ້ວ່າ “ເຮັດໃຫ້ບານເຕະເປັນຂອງທຸກຄົນ”

❌ ແຕ່ອີກຝ່າຍກັບມອງວ່າ ນີ້ຄື “ຈຸດເລີ່ມຕົ້ນຂອງຫາຍະນະ”

ຢູຟ່າ (UEFA) ອອກຖະແຫຼງການຄັດຄ້ານທັນທີ ໂດຍລະບຸວ່າ

“ນີ້ແມ່ນເສັ້ນທີ່ຟີຟ່າບໍ່ຄວນຂ້າມ”

ພ້ອມຢ້ຳວ່າ

“ບານເຕະບໍ່ແມ່ນຊັບສິນທີ່ມີໄວ້ເພື່ອຂາຍ”

📈 ເພາະເມື່ອມີນັກລົງທຶນ ສິ່ງທີ່ເຂົາຕ້ອງການຄື ຜົນຕອບແທນ ແລະ ເມື່ອເປົ້າໝາຍຄືກຳໄລ ຟຸດບອນໂລກອາດຈະຖືກຜັກດັນໃຫ້ກາຍເປັນ “ສິນຄ້າ” ຫຼາຍຂຶ້ນ ຈົນຫຼາຍຝ່າຍກັງວົນວ່າ ໃນອະນາຄົດອາດໄດ້ເຫັນ

⚽ ຟຸດບອນໂລກຂະຫຍາຍເປັນ 64 ທີມ
⚽ ຄລັບ ເວີລ໌ດ ຄັບ ໃຫຍ່ຂຶ້ນອີກ
⚽ ຕາຕະລາງແຂ່ງຂັນແນ້ນຂຶ້ນ
⚽ ລາຄາປີ້ເຂົ້າຊົມແພງຂຶ້ນ
⚽ ຄ່າລິຂະສິດຖ່າຍທອດສູງຂຶ້ນ

ທັງໝົດນີ້ ເພື່ອເພີ່ມລາຍໄດ້ໃຫ້ຜູ້ຖືຫຸ້ນ.

🔴 ອີກປະເດັນໜຶ່ງທີ່ໜ້າຈັບຕາ ຄື ກອງທຶນທີ່ຖືກຄາດວ່າຈະເຂົ້າມາລົງທຶນ ມີຊື່ຂອງ ໂຈຊົວ ຄັດເນີ (Joshua Kushner) ເປັນໜຶ່ງໃນຕົວເຕັງ ເຊິ່ງລາວເປັນນ້ອງຊາຍຂອງ ຈາເຣັດ ຄັດເນີ (Jared Kushner) ລູກເຂີຍຂອງ ໂດນັນ ທຣຳ (Donald Trump).

ຫຼາຍຝ່າຍຈຶ່ງມອງວ່າ ຄວາມສຳພັນອັນໃກ້ຊິດລະຫວ່າງ ອິນຟານຕິໂນ ແລະ ທຣຳ ອາດບໍ່ແມ່ນເລື່ອງບັງເອີນ.

📌 ໃນຕອນນີ້ ທຸກຢ່າງຍັງຕ້ອງລໍຖ້າການອະນຸມັດຈາກສະມາຊິກຂອງຟີຟ່າ ແຕ່ຖ້າແຜນນີ້ຜ່ານ ມັນອາດຈະເປັນ ການປ່ຽນແປງຄັ້ງໃຫຍ່ທີ່ສຸດໃນປະຫວັດສາດຂອງຟຸດບອນໂລກ

ແລະ ຄຳຖາມສຳຄັນກໍຄື…

ບານເຕະໂລກ ຈະຍັງເປັນ “ຂອງແຟນບານ” ຫຼື ກຳລັງຈະກາຍເປັນ “ຊັບສິນຂອງນັກລົງທຶນ”?