🚨 ຟີຟ່າ ສະເໜີເງິນ 40 ລ້ານໂດລາ ໃຫ້ສະມາຄົມບານເຕະສະມາຊິກ ແລກກັບການໂຫວດໜຸນແຜນ “ຂາຍບານໂລກ”

ຟີຟ່າ ສະເໜີເງິນ 40 ລ້ານໂດລາ ໃຫ້ສະມາຄົມບານເຕະສະມາຊິກ ແລກກັບການໂຫວດໜຸນແຜນ “ຂາຍບານໂລກ”

ວົງການບານເຕະໂລກກຳລັງເຜີຍໜຶ່ງໃນປະເດັນຮ້ອນ ຫຼັງຈາກມີລາຍງານວ່າ ຈຽນນີ ອິນຟານຕິໂນ ປະທານຟີຟ່າ ໄດ້ສົ່ງຈົດໝາຍເຖິງສະມາຄົມບານເຕະສະມາຊິກທັງ 211 ປະເທດ ເພື່ອຂໍການສະໜັບສະໜູນແຜນປະຕິຮູບທາງທຸລະກິດຄັ້ງໃຫຍ່ຂອງອົງກອນ.

ຂໍ້ສະເໜີລະບຸວ່າ ສະມາຄົມບານເຕະແຕ່ລະປະເທດຈະໄດ້ຮັບ 40 ລ້ານໂດລາສະຫະລັດ (ປະມານ 1.3 ພັນຕື້ບາດ) ຫາກໃຫ້ການສະໜັບສະໜູນແຜນດັ່ງກ່າວ.

ຖ້າຕອບຮັບກ່ອນວັນທີ 19 ກັນຍາ, ຈະໄດ້ຮັບເງິນງວດທຳອິດ 20 ລ້ານໂດລາສະຫະລັດ (ປະມານ 670 ລ້ານບາດ) ຕັ້ງແຕ່ວັນທີ 1 ມັງກອນ.

ແຜນຂອງຟີຟ່າ ຄືການຈັດຕັ້ງບໍລິສັດລູກດ້ານທຸລະກິດ ເພື່ອບໍລິຫານລາຍການແຂ່ງຂັນສຳຄັນ ເຊັ່ນ ບານໂລກ ໂດຍເປີດໂອກາດໃຫ້ນັກລົງທຶນພາຍນອກສາມາດເຂົ້າມາຖືຮຸ້ນໄດ້.

ມີການຄາດຄະເນວ່າ ຂໍ້ຕົກລົງນີ້ອາດສ້າງລາຍໄດ້ສູງເຖິງ 10,000 ລ້ານໂດລາສະຫະລັດ (ປະມານ 330,000 ລ້ານບາດ).

ແຕ່ແຜນນີ້ກໍຖືກຄັດຄ້ານຢ່າງໜັກ ໂດຍສະເພາະຈາກຝັ່ງເອີຣົບ ນຳໂດຍ ຢູຟ່າ (UEFA) ທີ່ອອກຖະແຫຼງການວິຈານທັນທີວ່າ:

“ຟີຟ່າ ບໍ່ຄວນນຳບານເຕະມາໃຊ້ເພື່ອເຮັດໃຫ້ຕົນເອງ ແລະ ພວກພ້ອງ ຮັ່ງມີ.”

📝 ລາຍງານໂດຍ BBC.